A girl to her Mom :
Maa mujhe dar lagta hai,
Maa mujhe bohot dar lagta hai...
Suraj ki roshni Aag si lagti hai,
Paani ki Boondain bhi Tejaab si lagti hain...
Maa Hawa main bhi zahar sa ghula lagta hai,
Maa mujhe chhupa le, Mujhe dar lagta hai...
Maa yaad hai wo kaanch ki Gudiya jo Bachpan main tuti thi,
Maa kuch aise hi aaj main tot gayi hun,
Meri galti kuch bhi na thi Maa,
Fir bhi aaj mein khud se ruth gai hun...
Maa bachpan mein School teacher ki gandi Nazaro se dar lagta tha,
Padsos ke chacha ke Napaak iraadon se dar lagta tha,
Maa wo nukkar ke ladko ki bekhouf baaton se dar lagta hai,
Aur ab Boss ke gatiya isharon se dar lagta hai,
Maa mujhe chhupa le, Mujhe bohot dar lagta hai...
Maa tujhe yaad hai tere angan mein chidiya si fudak rahi thi,
Thokar kha ke mein zameen par gir padi thi,
Do boond khoon ki dekh ke maa tu bhi ro padi thi...
Maa tune to mujhe phoolon ki tarah pala tha,
Unn darindo ka aakhir maine kya bigada tha...
Kyun wo mujhe iss tarah masal ke chale gaye,
Bedard meri rooh ko kuchal ke chale gaye...
Maa tu toh kahti thi apni gudiya ko dhulan banayegi,
Mere is jeevan ko khusiyo se sajayegi,
Maa kya wo din Zindagi kabhi naa layegi...
Maa kya ab tere ghar barat kabhi na aayegi???
Maa khoya hai jo maine kya fir se kabhi na paungi???
Maa saans to le rahi hun, Kya zindagi jee paungi???
Maa goorte hain sab alag hi nazaro se,
Maa mujhe un nazaro se chupa le,
Maa bohot dar lagta, Mujhe apne Aanchal main chupa le....
:'( :'( :'( :'( :'(
No comments:
Post a Comment